கீச்சான்

பழுப்புக் கீச்சான்| கசாப்புக்காரக்குருவி | Brown Shrike

கீச்சான்கள் தாங்கள் வேட்டையாடும் வெட்டுக்கிளி, ஓணான், சுண்டெலி, சிறுபறவைகள் போன்றவற்றை, மரத்தின் நீண்ட முட்களில் குத்தி வைத்துக் கொண்டு பின்னர் நிதானமாக அவற்றை உண்ணும். வேறு ஏதேனும் பறவயோ, விலங்கோ அந்த மரத்தினை நெருங்கினால் அவற்றைத் துரத்தி விரட்டி அடிக்கும்.
(நா என்ன வியாபாரத்துக்கு கடையா போட்டுருக்கேன்? It is my meal...keep distance..)

மணிகண்டம் குளத்தருகே இவனைப் பார்த்தபோது, சரி இன்றைக்கு இவனோட 'மெனு' என்னவென்றுப் போய் பார்த்தால்

அவன் முள்ளில் குத்திவைத்திருந்தது....

"வௌவால்,...!"

இவனுக்கு கைவசம் இன்னொருத் தொழிலும் உள்ளது. இவன் ஒரு 'மிமிக்ரி ஆர்ட்டிஸ்ட்'. ரொம்ப போரடிச்சா மற்ற பறவைகளின் குரலில் பாட ஆரம்பித்துவிடுவான். சாரி... கத்த ஆரம்பித்துவிடுவான்.

குளிர்காலத்தில் தென்கிழக்கு ஆசியப்பகுதிகளிலிருந்து இங்கு வலசை வரும் பழுப்புக் கீச்சான்களை நீர்நிலைகளுக்கருகிலுள்ள முள்மரங்களில் பார்க்கலாம். இவற்றை ஆங்கிலத்தில் ஷ்ரைக் அல்லது புச்சர் பேர்ட் (Shrike or Butcher bird) என்று அழைப்பார்கள்.

கீச்சான் என்ற பெயரில் சிறிய கடல்மீனும் உள்ளது. புலி போலக் கோடுகள் கொண்ட இந்த சிறிய மீனை டைகர்ஃபிஷ் என்றும் அழைப்பர்.

(ஏலே கீச்சான் வெந்தாச்சு ...

நம்ம சூச பொண்ணும் வந்தாச்சு...)

- பாலா பாரதி