வக்கா என்ற இராக் கொக்கு

இராக்கொக்கு |Night Heron 

வக்கா என்று அழைக்கப்படும் இப்பறவைகள் நீர்நிலைகளை சார்ந்திருப்பவை.

இவை பகல் முழுதும் ஏதாவதொரு மரக்கிளையிலோ புதர்களிலோ ஓய்வெடுத்துவிட்டு, மாலைப்பொழுதுகளிலும் இரவிலும் வேட்டையாடக் கிளம்புகின்றன. இவற்றின் ஒலி காகம் கரைவதைப் போலிருப்பதால் "இரவின் காகம்" எனப்பொருள்படும் Nycticorax என்றப் பெயரை அளித்துள்ளனர்.

வக்காக்கள் நீரின் கரையருகே இரவிலும் அதிகாலையிலும் அசையாது தன் இரையின் அசைவுகளை பார்த்திருக்கும். சரியான நேரம் அமையும்போது இரையை கொத்திப்பிடித்து உண்கின்றன. இவற்றின் முக்கிய உணவு சிறியமீன்கள், தவளைகள், தேரைகள்,பூச்சிகள், ஓடுடைய நீர்வாழ் உயிரினங்களாகும்.

- பாலா பாரதி